الرئيسية / اخبار المجتمع / عائلة الحاج عرابى (الجزء الثامن) الإيثار

عائلة الحاج عرابى (الجزء الثامن) الإيثار

صالح: أنتي لازم ترتاحي ياجميلة زى ماقال الدكتور ولازم تتغذي كويس وإلا هتحتاجي نقل دم
جميلة: مليش نفس لأى حاجه حتي الحياة نفسها كرهتها ممكن تسيبوني لوحدى مش عايزة حد جنبى خالص
عم يوسف: يابنتي كل شئ مقدر ومكتوب وأدينا أتعلمنا من الدرس وبعد كده مش كل اللي نسمعه نصدقه ، وانتي كمان لازم تستفيدى من التجربة دى وتتغلبي علي الألم بالصبر والعزيمة

الجرس يرن 🎶

أم جميلة : أتفضلوا أهلاً وسهلاً بيكم شرفتونا
صالح: كنت قولت ياصاحبي كنا فرشنا لكم الأرض ورد
أمير: مفيش داعي ياصاحبي إحنا أهل ومفيش بينا فرق
عم موسي: أهلاً بيكم نورتونا وشرفتونا
والد أمير: آسفين إذا كنا جينالكم في وقت مش مناسب
عم يوسف: البيت بيتكم ياحج وزى ماقال أمير إحنا أهل
والد أمير: في الحقيقة إحنا جينا نطلب القرب منكم
عم موسي: والله ده شرف لينا لكن جميلة بعافية شوية ومش هتقدر تطلع دلوقتي
والد أمير: ألف سلامة عليها ، نستأذنكم وهنستني منكم الرد

عم موسي: شوف ياصالح ياولدى أنا عارف إنك واخد علي خاطرك بسبب اللي عملته أم جميلة ومتأكد أن اللي حصل ده عمره ماهيأثر علي علاقتك بينا فلو كنت لسه ليك رغبة ترتبط ببنت عمك أنا معنديش أي مانع

صالح: والله ياعمي أنا مش هلاقي واحدة أحسن من جميلة تكون أم ولادى لكن أنا وعدت صاحبي في الغربة ومش هقدر أرجع في كلمتي معاه وفي الأول والآخر هي صاحبة القرار

جميلة: أنا موافقة إني أتجوز أمير ومحدش بياخد أكتر من نصيبه

أم جميلة: لولولولولولي

يتبع،،

قصة يكتبها: محمد الظابط
الصورة بريشة: د.أحمد الضوى
Ahmed Dawy

عن حسن يونس

اضف رد

لن يتم نشر البريد الإلكتروني . الحقول المطلوبة مشار لها بـ *

*