عاجل
الرئيسية / شعر وشعراء / قصيدة مغارة .. للشاعر رمضان دنقل

قصيدة مغارة .. للشاعر رمضان دنقل

 13442404_10154337264147112_5420113643097486646_n

مغارة

مصباح يا علاء الدين
من جوه مغارة علي بابا
خاتم سليمان
والسكة أمان
أيوه سرابه
تلهف هبابير
هبابير هبابير
يا كبير ياكبير
وتطير وتطير علي آي مكان
يا علاء الدين
طفي المصباح
وارمي المفتاح
وإدي إشارة
خاتم سليمان جوه مغارة
دول مسلمين ولا نصاري
بصباعك شاور يا سعادة
“والعادة” ضروري مادام ” ألويز ”
واغمز سنارة ف سنارة
تطرح يا شباك البيارة
وتلم الغلة جرون ف جرون
يا سلام ع النورج والساقية
يا حبيبتي يا باقية ولا لاقية
يا خازوق مزنوق
برقوق برقوق
السوق انفض
وبطل عض متبقاش دون
انا ذي ما اكون حمقي ومجنون
انا ذي ما اكون ……….
حمقي ومجنون لكن
علي بابا يا علي بابا
مبقاش بيشوف غير بس طشاش
ذي الخفاش لو بان للنور
والبقرة خلاص وآدي السكاكين
دكاكين دكاكين
وسنين براكين
براكين يا صباح القشطة يا عكروته
ستوتة ميركبهاش غير تور
والدور علي مين
والدور علي مين
وأمين ويا رب متحرمنا
من نومه ف باط اللهلوبة
علي آخر طوبة مجاش أمشير
زعابيب الخوف المضروبة
شعرا علي بابا يا محظية
وخاتم سليمان يا أفندية
عدوية قوية معد اوي
بتداوي الكدبة المنسوبة
توبة ان غنيتلك يا سمارة
كفارة يا سادة ع الحارة
كفارة يا سادة ع الحارة

 

عن صدى قفط

اضف رد

لن يتم نشر البريد الإلكتروني . الحقول المطلوبة مشار لها بـ *

*