عاجل
الرئيسية / شعر وشعراء / مسحراتي أخلاق ..شعر عامي لـ مصطفى شمس

مسحراتي أخلاق ..شعر عامي لـ مصطفى شمس

مسحراتى اخلاق
ويوماتى اصحيكوا
لو لسه مش عارفين
انا مين هوريكوا
انا الضمير الحى
جوه البيوت ف الحى
زادت معاصيكوا

مسحراتى الصدق
يا اهل الخداع فوقوا
الكدب حبل ضعيف
ل طريقه ما تسوقوا
قوموا انفضوا الجلاليب
والبس رداء طاهر
واغسل ثياب معاصيك
يغفرلك الظاهر

مسحراتى وعود
بنده على الخاين
لا هيغتفرله وجود
وف دنيته داين
عاين بقى القايمة
دى الدنيا مش دايمة
ما توحد الدايم

مسحراتى الحب
ارض النفاق دابت
شوفى كام حبيب وعدك
وف الطريق سابك
زى المعدية
معلش يا صبيه
قر الحسود صابك

مسحراتى الكرم
امّر البيوت تفتح
حسنات بعِلو الهرم
ف الاخرة راح تِشفع
بس انت متملش
للبخل متهّمش
ده ف عمره ما هينفع

مسحراتى يا ناس
والخُلق ضاق جواه
جرب بحور البشر
ومن سماتهم داق
راجع انجّيكوا
م الغفلة اصحيكوا
وافتكروا كان ليكوا
مسحراتى اخلاق
——————————————

الشاعر مصطفى شمس 

عن صدى قفط

اضف رد

لن يتم نشر البريد الإلكتروني . الحقول المطلوبة مشار لها بـ *

*