عاجل
الرئيسية / شعر وشعراء / سجال (4) في حب الرسول

سجال (4) في حب الرسول

-الرب علا ف شانه
و الكون سبح و حمد
الجنة خلقت عشانه
و الرحمة كانت محمد

أحمد شحات

***

اول مااقول امدحله
واهني البريه بميلاده
ف يوم الحشر اندهله
عمرا مايخلف معاده

ابراهيم احمد

***

أول كـــــــلامي وآخره
مديح المصطفى الزين
هاعدد صفاته ومفاخره
حبـيـــب القلب والعين

عبدالباسط سعد

***

ف حب النبي أنا هايم
عاشق له من يوم مولدي
نفسى أشوفه وأنا نايم
ما هو رسولي وسيدى
…………………
ح . م . د . ى

***

أول كلامي راح ادعي
أشوف محمد نبيـــــنا
وبعد ما أحج واسعي
أموت حداه في المدينة
—————-
حسن يوسف

***

أمدح نبينا المشرف
أحمد يا زين البرايا
طفي النار لماشرف
إمدح فحسنه ورايا

وائل_البارودى

***

أحب أمدح………. نبينا
لكن حروفى….. قصيره
ياريتنى ساكن.. المدينه
كان نَوّْرِتْنِى….. البصيره

الحاج نصر الانصاري

***

مدحي محمد عبـــــــادة
من أشرف العبـــــادات
الحسنى ليا وزيــــــادة
وتحفـّــــني البـــــركات
————-
حسن يوسف

***

سلامى عليك.. ياحبيبى
من جوه قلبى…. العليل
نظره ومدد…. ياطبيبى
لعبد عاصى…….. ذليل

الحاج نصر الانصارى

***

بسلوكي طه اراضـــيه
وابـقى من مـحاســيبه
ومها تكون اراضــــــــيه
حالف والله ماحـــاسيبه

عبدالباسط سعد

***

فيك ياحبيبى …مديحى
أكتب ..حروفى… بنورك
طبيبى… داوى ..جروحى
بدعوه …منك…… أزورك

الحاج نصر الانصارى

***

مــدَحو إلـهي وعلاه
لكن مديحي لروحي
لو هَـــم تعبك وعلاه
امدح هتشعر بروحي

علاه 2 : علة

روحي : راحه

حسن يوسف

***

أصلى واسلم ع النبى الزين
حلوة صلاته وسلامه
دى رؤيته تكحل العين
حزين اللى مشافش مقامه
……………………
محسن البدرى

***

أمدح فيه وصلى
حبيبنا الهادى محمد
نفسى الاقى وصلى2
لخير من كبر وحمد
———–
وصلى ٢/ وصال له اى طريق

كريم الحجيرى

***

إمدح ف طه نبينا
أحمد ده كامل مكمل
جاى ب الهدايه إلينا
إمدح ورايا و كمل

وائل_البارودى

***

ف ذنوبنا ياما دهبنا
لكن الله كريم
شفيعي هو دهبنا
بحبه والله العليم
***************
ولاء دسوقي ابوجبل

1دهبنا: اتهرينا كناية عن كثره الذنوب
3دهبنا: ذهبنا من الذهب

***

يا ساعة لفى و روحى

 عند المكمل دعينى

-ف الروضة انسى جروحى

-اصله حياتى و دعينى

أحمد شحات

***

مني الصلا والســلامات
على من عطـّر الرياحين
لو مرة قلبي سلا .. مات
ولا حس بإيمان ولا دين
——————–
حسن يوسف

***

بعد الصلاة ع المكمل
محمد نبى البرايا
أزيد ف مدبحه واكمل
بمدحه تزول الخطايا

محسن البدرى

***

نفسي أزورك رسـولي
وف حبك اكتب دواوين
آدي المراكب رسولي ( رسوا ليا)
ما أنا كنت عارف الدواوين ( الدواء فين)

—————-
حسن يوسف

***

مدحك حبيبى هوانا
وسهم المحبه جافينا……( جه فينا)
وصرت المتيم هوانا…( هو أنا )
ونوم الليالى جافينا
…………………..
محسن البدرى

***

مدح الحبيب راحه
بحلم بقالي سنين
خدي على راحه
لمسة بتشفي أنين

راحه2 : كفه

عبدالباسط سعد

***

للحبيب أنا عاشق
نفسى ف يوم أشوفه
حبه ف قلبي راشق
أبوس جبينه وكفوفه
ح . م . د . ي

***

قلبى… يحن …إليك
والبدر ..منك.. شعاع
وشربه …..من إيديك
تسكن بها…. الأوجاع

الحاج نصر الانصاري

عن صدى قفط

اضف رد

لن يتم نشر البريد الإلكتروني . الحقول المطلوبة مشار لها بـ *

*