عاجل
الرئيسية / شعر وشعراء / سجال (6) العدل

سجال (6) العدل

العدل زي نور الشمس في السما ساطع
لكن ساعات يتحجب من غيمة التفاصيل
وقانونه سيف مسنون على الرقاب قاطع
وبيبقى سيف من خشب لو يتعمل تفصيل

 أشرف فايز 

***

فين….. عدلك ياعمر
تملى أنده…. ما لاقى
أدور مره……. واعود
زي…… بقر السواقى

الحاج نصر الانصاري

***

الظلم زاد ف الوشوش
و العدل فين أراضيه
حتي الضمير مغشوش
قولولي فين ألاقيه

وائل_البارودى

***

الجُورْ… جارنا ..وقريبنا
والعدل هجر.. الحبايب
والشكوه صَحَبِت غَالبنا
والكدب كسر… الزرايب
٣-صاحبت
٤- جمع زريبه
الحاج نصر الانصاري

***

العدل فين إندفن
والظلم طول و عرض
ملهوش جيوب الكفن
أخرتها متر ف أرض

وائل_البارودى

***

الظلم ..عشعش…. مباين
لبس الهدوم….. النضيفه
والعدل …..أبوكرش باين
خلى الخيانه…… وظيفه

الحاج نصرالانصارى

***

العدلة فين أراضيه
طريقه بس منين
لو ينفع أروح أراضيه
هتحسنه ل سنين

وائل_البارودى

***

لو عرفنا طريق العدل
مكنش الحق تاااه
ولا كان الحال اتبدل
والمظلوم عشاه الااااه
———-
كريم الحجيرى

***

العدل توب و نضيف
أبيض ك لون الشاش
يساوى القريب بالضيف
ويكشف لك الغشاش

وائل_البارودى

***

العدل مات واندفن
والدم بقا ميه
والحق مستنى الكفن
وناقص رباطه خيه
———
كريم الحجيرى

***

سلامى… لك يافاروق
دمعى سكبته ….كبابى
ملاقى حد ….الحقوق
والظلم وصل .المراقى
********************
المراقى فوارغ فى جانب
جدار الساقية كانوا ينزلون لقاع الساقية عن طريقها
وعندما يصل الماء إليها دليل على زيادته وانهمار الماء
**********************
الحاج نصر الانصاري

***

ميزان العدل غاب
والحق فينا ضاع
شريعتنا زي الغاب
والظلم صار أوضاع

علاء الدين أبومازن

***

العدل طريقه نور
ياريت نمشي فيه
مهما نلف وندور
صاحب الحق ليه

كريم الحجيري

***

العدل زي الهوا
حق لكل الناس
ونسيمه أحسن دوا
بيطرد الخناس
علاء الدين  أبومازن 

***

ميزان العدل مال
أول ما مات عمر
هم الحياه بقى مال
لهو ولعب وسمر
………………
ح . م . د . ى

***

زمن غريب… الحكاوى
والندل فارد ….جناحو
العدل مات.. من مرارو
والظلم فاحت.. رياحو
********************
الحاج نصر الانصاري

***

العدل ميزان الحق
كلنا عاشقين ليه
قلب العاصي رق
يوم ما آمن بيه
………………
ح . م . د . ى

عن صدى قفط

اضف رد

لن يتم نشر البريد الإلكتروني . الحقول المطلوبة مشار لها بـ *

*