عاجل
الرئيسية / شعر وشعراء / سجال (7) الغلاء

سجال (7) الغلاء

زحف الغلا كبركان
وعلينا ألقى حموله
اتصدمنا واللى كان كان
والشعب شتت عقوله

 عدلي هباش

***

فتّح  عينك خد لك لقطة
صورة بلدك زي الفل
(خل) مغرّق ملح وشطة
خش اتفضّل سمّي وكل
………………..
محسن البدرى

***

نفسى الأزمة تعدى بسرعة

دا الغلا زفت ومر وخل

هو الزيب اصبح بالجرعة

حاجة تخلى العقل اختل

 عدلي هباش 

***

الغلا خَلاني بغلي
والديون ريحتها فاحت
بعت ملكي حتى بغلي
والحديده برضه راحت
—————
حسن يوسف

***

خلاص مضى عصر الجنيه

وابتدى عصر الدولار

والعدس من شاويش ل بيه

والحلوق فيها مرار

عدلي هباش 

***

كنت بأكل رغيفى حاف
وراضى بنصيبى وحامد
من الغلا بعت اللحاف
والبرد مسك فيا جامد
*******
كريم الحجيرى

***

لو تتكلم يحبسوك

والنفوس مليانة كبت

ف يوم جمعة ياخدوا ابوك

وامك ف عصر سبت

عدلي هباش 

***

طفح الكيل و الغلا بان
و الفقير فحتوله جورة
و فين هتروح يا غلبان
ردموك ولد الفجورة

وائل البارودي 

***

فرد الغلا ريشاتو
وعليا سلطن وجاني
لو معايا كنت رشيتو
يبطل زن ف وداني

ولاء دسوقي ابوجبل

***

الفقر …..ركب العلالى
والنفس طَمِّتْ نَفَسها
والدوا جاتله…. دوالى
والناس رَمِّتْ جُسَسْها
*******************
الحاج نصر الانصارى

***

هلاقيها من السكر ولا الزيت
الكل عايش ف توهه
وان جه السكر ولي الزيت
والعقلا راحوا وفاتوها
——
3: ولي: ذهب واختفي
******************
ولاء دسوقي ابوجبل

***

ياسارق ا…نوم من …جفونى
الفقر ……كَلَّحٔ …………سِنَانُه
حتى …صحابك……. جفونى
وزَوُّ….دوا………………غليانو
*******************
الحاج نصر الانصاري

***

لا شبعت فيكى و مزيت

و سيوف غدرك صبونا

لا دقنا سكر و لا الزيت

و لا يوم دعكنا الصابونة

احمد شحات

***

ملهوشى دعوه…. البصل
وما كانشى يوم. منكوت
ده الفقر خلاه……. عسل
وملبسه………… الكبوت
**********************
الحاج نصر الانصاري

***

الفقر هلت رياحه
والجوع بيدق بابنا
غلا راكب جماحه
وريس ولى وسابنا
……..
علاء الدين أبومازن

***

الفقر ..خَلَّفْ…. حَدَانا
وعياله مَلَتْ الشوارع
كبيرهم خلص.. دوانا
والباقى حرق المزارع
(حدانا: عندنا)
*******************
الحاج نصر الانصاري

***

عن صدى قفط

اضف رد

لن يتم نشر البريد الإلكتروني . الحقول المطلوبة مشار لها بـ *

*