عاجل
الرئيسية / شعر وشعراء / سجال ( 8 ) الدنيا

سجال ( 8 ) الدنيا

الدنيا .و .الأوتيل
صورة بالكربون
فيهم البشر كوكتيل
من كل شكل ولون
——————-
أشرف فايز

***

الدنيا… زى… المسرح
والخلق فيها.. صفوف
كله عاوز.. لو… مطرح
يخلا.. وكانوا .ضيوف
*******************
الحاج نصر الانصاري

***

دنيتنا دي زي الســــــــيما
والـكل عــــامل بـــــطل
واللي فاكر نفسه قيــــمــه
تـــــاه فيــها واتســــطل

عبدالباسط سعد

***

دنيا دنيه حويطه
ملهاش عزيز ولا خال
زى كلب الزيطه
كل ساعه ف حال
——-
كريم الحجيري

***

دنيتنا… دراما مملة
أحداثها وناسها تعل
وبشر لها ألفين ملة
بــتعقد ولا بـــتـحـل

عبدالباسط سعد

***

الدنيا زي المسلسل
حلقات ورا حلقات
الحر فيها مسلسل
والحلو فيها حلقات ( حلا قات ) ،

والقات نبتة ملعونة باليمن، المضغة يعني )
—————
حسن يوسف

 ***

كام نخلة فيكى مطرحاش

و لعيرى طارحة الدكورة

قالعة براسها مطرحاش (1)

و الكل شايط دكورة (2)

(1)بدون طرحة -(2) دى كورة

احمد شحات

***

ملامحك يا دنيا ما بيناش
والكل عايش فـ .. توهة
أتخن رجالنا ، ما بيناش ( ما بينش )
حتى الأصيلة فـ .. توهة ( فاتوها )
——————-
حسن يوسف

***

يا دنيا عليكى الرديم
إيه اللى… فيكى زين
كل ما ادير… الخديم
الشق يبقى….. اتنين
،،،،،،،،،،،،،،،،،،،،،،،،،،،،،
الخديم الفتحه فى جدول الماء الذى يسقى الزرع.
*الشق فى الأرض البور يبتلع
الماء إلى باطن الأرض

الحاج نصر الانصاري

***

الـــــــدنيا عـــلام ف مـــدارس
وبيوت الخلق احواش وفـصول
وفيها الخواف وفيها الفـــــارس
وفيها الواطي وابن الاصــــول
.
عبدالباسط سعد

***

دنيا غرورة كلها كدب

 أحداثها هم وتلاهى

ناس عندها مال بالعب

وناس حالها كما هى


الشاعر : عدلي هباش

***

عن صدى قفط

اضف رد

لن يتم نشر البريد الإلكتروني . الحقول المطلوبة مشار لها بـ *

*