عاجل
الرئيسية / شباب قفطاوى / تخيلات طفل

تخيلات طفل

تآليف / محمود صدر الاسلام
عندما كنت صغيرا فى السنة الاولى من المرحلة الابتدائية
كان يوم الجمعة والثلاثاء من كل اسبوع جميع اللى فالشارع كله يأكل من نفس الاكل من كل بيت فكنت افرح جدا عندما كنت احمل طبق المحشى عندما توجهنى امى وتقول لى
(الطبق ده توديه عند خالتك ام م.س ولو قالتلك خلى الطبق وابعته شوية قولها لا امى قالتلى هات الطبق معاك لو ماجبتش الطبق معاك هضربك )
وانا ما عليا غير أن اقول حاضر
واروح عند خالتى ام م.س
وتقولى
(ازيك يا محمود ايه اخبارك واخبار امك ليه مش باينة ليه امك تعبانة كدا
طيب خد نص الجنيه ده هاتلك بيه حاجة وقول لامك كتر خيرك ليه التعب ده لما تفرحى بمصطفى
يبقى سيب الطبق وانا هبعته مع ع.س )
طبعا انا متعاهد مع الامومة
ان الطبق يرجع قبل ما انا ارجع
وانا طبعا بصوت عالى
لا الطبق لا
امى قالتلى هات الطبق معاك
طيب استنى خد الطبق معاك
وعندما اخد الطبق اذ به فاكهة
عدد 2برتقالة
وعدد 3يوسفى
وعدد 5 موز
كنت افرح بيهم رغم ان ممكن يكون نفس الفاكهة موجودة فالبيت
ولكن من الفرحة والسعادة الغارمة
اللى كنت بكون فيها بحس ان الفاكهة اللى اخدتها من جيرانك احلى بكتير
**استنتج مما سبق
ان زمان كان فى خير وحب ومودة لاننا كنا نحب بعض ونخاف على بعض لدرجة اننا كنا ناكل كلنا من نفس الاكل عندما نكون فى شارع واحد
زمان كنا نحب الخير لبعض زمان الجيران في شارع واحد كانهم فى بيت واحد زمان لما كان واحد كبير يضرب واحد صغير فالشارع الصغير كان بيحط دماغه في الارض ولما كان الصغير يرد على الكبير كان ابو الصغير يكمل عليه ويضربه كان فى احترام لكن حاليا سبب اللى احنا فيه
هو عدم محبتنا لبعض وعدم خوفنا على بعض
حبو الاطفال وقبلوا ايديهم حتى نزرع الحب فى قلوبهم من مصغرهم ولا نكره بعض امامهم حتى لا يكبروا وهم يحملون الكراهية

عن محمد محمود أبوملك

اضف رد

لن يتم نشر البريد الإلكتروني . الحقول المطلوبة مشار لها بـ *

*